Adverts

Popular Posts

Tuesday, August 7, 2018

පෝයට පෑ හද

අවුරුදු නිවාඩුවේ උණුහුම ගිහින් ආයෙමත් ඉස්කොලේ පටන් ගත්තා විතරයි ඒපාර ආයම දවස් තුනක දිග සති අන්තයක් ආවා කියමුකෝ,  පෝය දවසත් එක්කම. මේ ලබන පෝය වෙසක් පෝය බව තාත්තා අම්මාට කිව් නමුත්
ඇය නම් එය තුට්ටුවකටවත් ගණන් ගත්තේ නැත. පංතිභාර ගුරුතුමී අත්වැඩට මෙදා පාර වෙසක් කූඩු හදන්න කියා දුන්නෙත් එකත් එකටම තාත්තා ඇයටත් ඒ බව කියන්න ඇති කියලා මට සිතේ.

තාත්තා කෙසේ කීවත් අපේ අම්මා නම් වෙසක් පෝය බක් මාසයේ පෑයීම ගැන තදින්ම විරෝධය පෑවාය. තාත්තා ගේ අම්මා වන අත්තම්මා අනික් කාරණා වලට කෙසේ වෙතත් මේ ප්‍රශ්නයේදී නම් එකපයින් නොව දෙපයින්ම හිටගනිමින් අපේ අම්මාට ෆුල් සපෝට් එක දුන්නීය. ඇගේ වචන වලින් නම් අම්මෝමුත්තා කාලෙවත් මෙහෙම සංගිදියාවක් අසා නැත.

Thursday, August 2, 2018

සෙල්ලම් ගෙවල්

සීතල කදුරට සුන්දර දෙසැම්බර් පාසැල් නිවාඩුව සුරංගිට අදටත් සිහි ගන්වන්නේ ගතේ හිරිගඩු නංවන හීත හුලං පොදට වැනෙන දේවදාර ගස් පේලියයි. ගෙවත්තට ඇතුලු වන පාර පැත්තකින් එක පෙලට හිටගෙන අතු විහිදවමින් යනෙන අයට ආචාර කරන්නාක් මෙන් තාලයට අතු නමා වැනෙන විට හමන දේවදාර සුවද  මතකයන් සිහි වන හැම  මොහොතේම නාස් පුඩුවලට දැනෙන්නාක් වගේ.
අසල්වාසී මිතුරියන් හා එකතුවෙලා සෙල්ලම් කරන නිවාඩු කාලෙ හරි විනෝද ජනකයි. බොහෝ විට යහලු යෙහෙළියන් ඔවුන්ගේ නංගිලා මල්ලිලාත් සමග වත්ත උඩ දේවදාර ගස් පේලිය යටට වෙලා ඒවගෙ ගෙඩි කඩා ගෙන කරන සෙල්ලමක් තිබුනා. අත් පිටුපසට කරන්, දෑතේ ගෙඩි ගුලි කරගෙන නොපෙනෙන්න අත්දෙකට ඒවා මාරු කරනවා. පස්සෙ රෙඩී කිව්වම අත් ඉස්සරහට දානවා. අනිකෙක් තමා කැමති අතට තට්ටු කරලා ඒ අතේ ගෙඩි  කීයක් තියෙනවද කියලා අත දිග ඇර නොබලා  කියන්න ඕනි. හරියට කිව්වොත් ලකුණු දහයයි. නැත්තං ලකුණු වැටෙන්නෙ නෑ බිම කොටු ගහලා අදින පුවරුවේ. ඔය අතරෙ පිරිමි ලමයි පොඩි පොඩි රණ්ඩු වලටත් ඇවිත් දග කරනවා. ඒත් හරි සුන්දරයි ඒ පොඩි කලබගෑනිත්. 

Related Posts Plugin for WordPress, Blogger...